3 urteko ikasleok gure gela zapore laborategian bihurtu dugu. Liburuak eta margoak alde batera utzi eta sukalde profesionala bilakatu da, non osagai freskoen usainak eta ikasleen ilusioak txoko bakoitza bete duten.
Lehen urratsa: higienea
Andereñoak edozein sukaldari handiren urrezko araua gogorarazi digu: erabateko garbitasuna. Barre eta xaboi apar artean eskuak garbitzea ez dela errutina hutsa ikasi dugu, elikadura osasungarri baten oinarria baizik.
Bigarren urratsa: sormena
Gelako mahaiak osagarriz beteta daude. Denetarik dago: fruta fresko eta koloretsuetatik hasi eta jateko gogoa pizten duten osagai gaziak. Ikasle bakoitza bere hamaiketakoaren arkitekto bihurtu da. Janaria modu dibertigarrian aurkezten ikasi dugu, osagaiekin plateretan irudiak eta aurpegiak sortuz.
Hirugarren urratsa: hamaiketakoa!
Urrezko amaiera, zalantzarik gabe, denok elkarrekin esertzea gure sorkuntzez gozatzeko. Gure eskuekin egindako hamaiketakoa da. Isiltasuna nagusitu da klasean minutu batzuez, dena goxoa zegoen seinale!
