November 2019

4 urteko haurrek ikasturteko lehen proiektua burutu dute.  Japonia lantzen egon dira, bere ohiturak, jantziak, bandera, janaria, idazketa, …  Hori dela eta,  gure pasiloa japoniar txoko txiki bat bihurtu dute. Oso gustora egon dira eta urrutiko toki bateko bizimoduari buruzko ezaugarriak ikasi dituzte.

2. Batxilergoko ikasleek ZUT aplikazio/aldizkari digitalaren aurkezpenean parte hartu dute gaur Tabakaleran, 2deo aretoan, hain zuzen. Aurkeztu zaien proiektu berri honetan aukera izan dute erremintak eskaintzen dituen ikus-entzunezkoei eta hainbat eduki berritzaileei begirada bat emateko. Bestetik, eskerrak eman Gaizka Izagirreri gonbidatzeagatik, ikasleek primeran pasa dute eta.

LH 2 mailako ikasleek ezin hobeto pasa dute Zuhaiztiko polikiroldegian egindako  igeriketa ikastaroan. Irailaren 19an hasi eta pena handiz urriaren 16an bukatu zuten. Aukera paregabea izan da, mailaren arabera, taldetan banatuta, izugarri ikasi eta disfrutatu dute uretan. Adi guraso, hurrengo udaran nekez aterako dituzue uretatik!!!!

Europako Mugikortasun Astearen barruan, Bizikletadan parte hartu dugu DBH-ko 3. mailekin. Mugikortasuna, ardatz nagusi bezala dugu eskolak parte hartzen duen Eskolako Agenda 21 eta Eskolako bidea proiektuetan. Mundaizeko 60 ikasle inguru parte hartu genuen, beste 12 ikastetxe eta erakundeekin batera. Guztira ia 1000 txirrindulari elkartu ginen Donostiatik 10 kilometroko ibilbidea egiteko. Hiri polita dugu bizikletaz

2. Batxilergoko ikasleek ZINETEK ekintzan parte hartu dute urrian zehar. ZINETEK Orona fundazioak Donostiako Zinemaldiarekin batera antolatzen duten ekintza kultural bat da, non hainbat ikastetxek eta erakundek filma bat ikusi eta solasaldi batean parte hartzen duten. Gure ikasleek parte aktiboa izan dute ekintza honetan, filmaren hasieran aurkezpena eginez eta solasaldia bideratuz. Lan guzti hau prestatzeko,