October 2017

2017ko urriaren 9 eta 11ean Aibakek zerbitzua ematen duen eskoletako hezitzaileek dieta berezien kudeaketari buruzko ikastaro teoriko-praktiko bat jaso dute. Ikastaro hau enpresaren urteko formakuntza planaren barruan sartua dago eta larrialdi baten aurrean sintoma ezberdinak nola bereizi, eta hauen aurrean zer nolako pausuak eman behar diren irakatsi zaiezkie.

Irailaren 14tik urriaren 11bitartean, LH 2 mailako ikasleek, aukera paregabea izan dute:    Zuhaiztiko polikiroldegian, igeriketa ikastaroan parte hartzea. Mailaren arabera, taldetan banatuta, izugarri ikasi eta disfrutatu dute uretan.

Urtero bezala LH 1. mailakoak Kontzertu Pedagogikoan izan dira Egiako Musika eskolan. Beste ikastetxe batekin batera , urriaren 6an, ostirala, han egon ziren eta oso ondo pasa zuten abesten, dantzatzen eta txalotzen. Hurrengo urtean errepikatzeko asmoarekin geratu dira!!! Musika eskolaren bloga ikusteko egin klik hemen. Gelako argazkia deskargatu eta hainbat jarduera multimedia egiteko aukera izango duzue.

Aurten ere Robotika proiekturarekin  jarraitzen dugu. Oso gustora burutzen duten jarduera da. Next robotaren bidez Curriculumeko eduki desberdinak lantzen dira, pentsamendu konputazionalarekin hasten gara, programazio hizkuntzaren oinarrizko kontzeptuak erdiesten dira. Jolasen bidez programazioko lehen urratsak ematen dituzte. Tapiza desberdinak erabiliz eskolan lantzen ari garenaren osagarri.